Arfarniad Cynaliadwyedd Integredig - Adroddiad Cwmpasu

Pennod 7 Y camau nesaf

7.1 Er mwyn bodloni gofynion Rheoliadau AAS (Cymru), ceisir barn y cyrff amgylcheddol statudol (Cyfoeth Naturiol Cymru a Cadw) mewn perthynas â chwmpas a lefel y manylion sydd i'w cynnwys yn yr Adroddiad ISA.

7.2 Yn benodol, gofynnir i'r ymgyngoreion ystyried:

• A yw cwmpas yr ISA yn gyffredinol yn briodol fel a nodir.
• A yw'r dull o integreiddio prosesau asesu eraill, a ddisgrifir ym Mhennod 2, yn briodol ac yn cydymffurfio â deddfwriaeth a chanllawiau.
• A oes unrhyw gynlluniau, polisïau neu raglenni ychwanegol sy'n berthnasol i'r ISA ac y dylid eu cynnwys ym Mhennod 3.
• A yw'r wybodaeth a ddarperir ym Mhennod 4 yn gadarn ac yn gynhwysfawr ac yn darparu llinell sylfaen addas ar gyfer ISA Cynllun Datblygu Lleol Ynys Môn.
• A oes unrhyw faterion cynaliadwyedd allweddol ychwanegol yn Ynys Môn (Pennod 5) y dylid eu cynnwys.
• A yw'r fframwaith ISA (Pennod 6) yn briodol ac yn cynnwys ystod addas o amcanion.
• A yw'r fethodoleg arfaethedig ar gyfer asesu Safleoedd Ymgeisiol (Pennod 6) yn briodol.

7.3 Wrth i'r CDLl gael ei baratoi, bydd yn ddarostyngedig i gamau diweddarach yr ISA gan ddefnyddio fframwaith yr ISA a gyflwynir ym Mhennod 6. Bydd Adroddiad ISA llawn (sy'n cynnwys camau diweddarach y broses ISA) wedyn yn cael ei gynhyrchu a bydd ar gael i randdeiliaid eraill a'r cyhoedd ar gyfer ymgynghori ehangach ochr yn ochr â fersiwn Cyn-adneuo'r CDLl.